Մեր ենթակառուցվածքները
Nare's express ճոպանուղի
«Մայլեռ Մաունթին Ռեզորթ»-ում գործում է ավստրիական առաջատար «Doppelmayr» ընկերության կողմից նախագծված և կառուցված «Nare’s Express» նստատեղային ճոպանուղին: Ընդհանուր 2040մ երկարությամբ ժամանակակից ու հարմարավետ ճոպանուղին հնարավորություն ունի ամբողջական ծանրաբեռնվածությամբ մեկ ժամում սպասարկել մինչև 2400 այցելուի:
Արհեստական ձնագոյացման համակարգ
Համալիրում ներդրված է արհեստական ձնագոյացման համակարգ, ինչը հնարավորություն է տալիս անկախ եղանակային պայմաններից ունենալ ձնառատ սահուղիներ: Ձնագոյացման համակարգը կարող է ընդամենը 70 ժամում -4 °C ջերմաստիճանի պայմաններում 40 սմ հաստությամբ ձյան շերտով ծածկել 18 կմ լանջերը։
Myler Ski School և Qotot Kids Club
«Մայլեռ»-ում գործում է Myler Ski School-ը, ինչպես նաև Qotot Kids Club-ը, որտեղ դասավանդում են բացառապես միջազգային որակավորում ունեցող, սերտիֆիկացված մարզիչներ։ Մարզադպրոցը կահավորված է ոլորտի առաջար Sunkid կազմակերպության 50 և 100 մետր երկարությամբ «կախարդական» գորգերով՝ ժապավենային շարժասանդուղքներով՝ ամենափոքր դահուկորդների համար՝ սկսած 2-3 տարեկանից։
Վարձույթի ծառայություն
«Մայլեռում» գործում է նաև վարձույթի բաժին, որը համալրված է ձմեռային մարզահագուստի, աքսեսուարներով, դահուկներով և սնոուբորդներով ոլորտի առաջատար Head և Fischer ապրանքանիշերով:
Տաք Տեղ ռեստորան
2023 թվականից Nare’s Express ճոպանուղու ներքևի կայանի հարևանությամբ կա մի շա՜տ տաք տեղ, որը դահուկորդների համար պարտադիր կանգառ է տաքանալու, հանգստանալու և համեղ կերակուրներ ճաշակելու համար։ Յուրահատուկ կոլորիտով և ջերմ սպասարկմամբ «Տաք Տեղ» ռեստորանը սիրով սպասում է բոլորին։
Համը լեռներում է․․․
Սար Տեղ ռեստորան
Nare’s Express ճոպանուղու վերին կայանի հարևանությամբ, 2416 մետր բարձրության վրա գտնվող և անկրկնելի տեսարանով «Սար Տեղ» ռեստորանն իրական դրախտ է լեռների սիրահարների համար։
Համեղ ճաշացանկ, ներդաշնակ ինտերիեր, հարմարավետ կահույք և իհարկե մշտապես բարձր տրամարդրություն։
Chalet Myler
2024 թվականից Chalet Myler-ն ընձեռում է գիշերակացի հնարավորություն օրական 120 հյուրի։